Inunnut arfinilinnut inissat immikkoortukkuutaat – Ilulissat, Kalaallit Nunaat

Kalaallit Nunaanni Avannaata Kommunianut, DC-Supply inunnut arfinilinnut atorneqartussamik inissanik immikkoortukkuutaanik iluarsiissummik tamakkersimasumik tunisaqarsimavoq. 

Inissat immikkoortukkuutaat “nammineq katitigassatut ataatsimoortutut” sananeqarsimapput tunineqarlutillu, kingornagullu Ilulissani sulisunit nunaqavissunit ikkussorneqarsimallutik. Inissat immikkoortukkuutaat ISO containerinik 20 fodsinik arfinilinnik tunngaveqarput, silataani qisummik qallerlugit sananeqarsimapput taamatullu eqqaani avatangiisinut tulluartumik inissillutik.

Kalaallit Nunaannut inissanik immikkoortukkuutaanik iluarsiissut tamakkersimasoq

DC-Supply-p Nørresundbymi nammineq sannaviani sananeqarput – Kalaallit Nunaanni Ilulissani ikkussugassatut tunineqarlutik. Kalaallit Nunaanni Avannaata Kommunianut inunnut arfinilinnut inissat immikkoortukkuutaat kusanartut DC-Supply-p sanasimavai. Iluarsiissut “nammineq katitigassatut ataatsimoortutut” taaneqarsinnaasoq sananeqarpoq, tassani iluarsiissut tamakkersimasoq – silataani qisummik qallernera ilanngullugu sanasimavarput. Kingornatigut tamarmik Kalaallit Nunaannut nassiunneqarput, sulisunillu nunaqavissunit ikkussuunneqarlutik.

Inissat immikkoortukkuutaat inunnut katillugit arfinilinnut inissaqarput – tassani immikkut arfinilinnik sinittarfeqarpoq siniffimmut il. il. inissaqarluartunik, igaffik isersimaartarfillu ataatsimoorussat kiisalu uffarfiit marluk perusuersartarfillit kuutsitsiffigittarfillillu. Taakkununnga ilaapput toqqorsivik aamma teknikeqarfik. Inissat immikkoortukkuutaat uuliatortumik kissarsuuserlugit aamma imeq atorlugu kiassaaserlugit tunineqarput.

DC-Supplymi Kalaallit Nunaannut ilaatigut inissanik iluarsiissutinik tunisaqarnermut annertuumik misilittagaqarpugut. Paasisimasaqarluarnerput tamatigoorpoq – toqqavimmit aamma pilersaarusiornermit, pilersuinermi ikkuffilersuinernut, oqorsaanermut kiassaanermullu il. il. – soorlu aamma Danmarkimit Kalaallit Nunaannut appasinnerpaamik aningaasartuuteqarluni nassiussineq. Taamatuttaaq containerit aamma immikkoortukkuutaat tunngavigalugit iluarsiissutinik, nammineq sannavitsinni immikkut sanaanik, Kalaallit Nunaanni tigusinermi ikkussoriaannarnik neqerooruteqarpugut. Nittartakkami matumani Kalaallit Nunaanni suliniutit suliarisimasagut soqutiginartut arlallit takuneqarsinnaapput sulisugullu misilittagaqarluartut atassuteqarfigisinnaavatit – illit, nunarsuarmi sumiluunniit suliniutit pillugu siunnersuinissamut ilitsersuinissamullu piareersimavugut.